Predición xeral para Galicia

A xornada do mércores seguirá marcada pola presenza das altas presións no Atlántico e os ventos de compoñente norte. Polo tanto nas primeiras horas os ceos estarán moi anubrados, con nubes máis compactas canto máis ao norte, onde se rexistrarán chuvias febles; a partir do mediodía as nubes cederanlle paso ao sol, para volver contra a noite á metade norte. Haberá néboas matinais en localidades do interior. As temperaturas mínimas ascenderán entre lixeira e moderadamente, mentres que as máximas estarán sen cambios no norte e con lixeiros ascensos no sur. Os ventos soprarán do nordés frouxos en xeral, con algúns intervalos de moderados a fortes no litoral atlántico.