Predición xeral para Galicia

Durante a xornada do luns a borrasca que inflúe sobre Galicia comezará a moverse cara ó sur preto do litoral atlántico debilitándose. Isto fará que os ceos continúen con intervalos anubrados e con chuvascos xeneralizados durante o día, que tenderán a remitir pola noite cando se abrirán claros no oeste. As temperaturas ascenderán, de xeito máis pronunciado nas máximas que comezarán a acadar valores máis preto dos valores normais para a época do ano. Pola mañá os ventos soprarán de compoñente sur frouxos en xeral, con intervalos moderados e refachos fortes no litoral norte; xa a medida que avance o día irán rolando ata quedar do nordés pola noite.