Ceos pouco anubrados, con intervalos de nubes altas que irán surcando o ceo a partir da tarde.

Brétemas costeiras e bancos de néboa no interior.

Temperatura mínima sen cambios ou en lixeiro descenso e máxima en lixeiro ascenso en xeral.

Vento frouxo de dirección variable, con brisas costeiras.

Manteremonos nesta xornada baixo influencia anticiclónica, polo que o tempo virá caracterizado polas brétemas costeiras e os bancos de néboa do interior, que serán menos abundantes e desaparecerán máis rapidamente que na xornada anterior, deixándonos un día de ceos pouco anubrados en xeral, con algúns intervalos de nubes altas que irán surcando o ceo a partir da tarde. As temperaturas nocturnas poderían descender lixeiramente, mentres que as diúrnas ascenderán de xeito lixeiro en xeral. Os ventos soprarán frouxos de dirección variable, con brisas no litoral.